نخوامبه بورم بهشت
نخوامبه بورم بهشت
اونجه نهلنّه که سیگار بکشم
شلوار لی دپوشم، می ره سشوار بکشم
اونجه مهران دنی‌یه شعر بخوندم نقد هاکنه مه دل‌بخواه
نخوامبه بورم بهشت
نخوامبه بورم بهشت
بورم اونجه نادر و گنجعلی و
سیّدعباس ره بوینم!؟
اگه اونجه دره دوکه
شیر و عسل کشنه روش
سگ اصحاب کهف و
ورگ و خر دجّالِ ور
من نخوامبه
اگه با زور و فشار
بَورن مه ره بهشت
سِه یا گندم ره خرمبه دلِ‌وست
مگه زوره!؟
نخوامبه بورم بهشت.
مبین اکبرنژاد –سوادکوه
